እንደ ጻድቅ የሚቆጠረው ጉሬዛ

እንደ ጻድቅ የሚቆጠረው ጉሬዛ

 

 

ጉሬዛ ዛፍ ላይ የሚኖር እንስሳ ነው፡፡ በግንባሩ፣ በጉንጮቹና በአገጩ ላይ ነጭ ፀጉር አለው፡፡ በጅራቱ ጫፍና በጎኑ ነጭ አለው፡፡ በተረፈ ፀጉሩ ጥቁር ነው፡፡ ዋነኛ ምግቡ ቅጠላ ቅጠሎችና፣ በተጨማሪም ፍራፍሬዎች ነው፡፡ ጉሬዛዎች ብዙውን ጊዜ የሚበሉት ቅጠል ሲሆን፣ አንዳንዴ ያልበሰሉ ፍሬዎችና እንቡጦች ሲያገኙም ይበላሉ፡፡

የመኖርያ ክልላቸው ጠባብ ነው፡፡ ምክንያቱም ቅጠል የትም እንደልብ ስለሚገኝና የተወሰኑ ዛፎችን ቅጠል ስለሚበሉ ነው፡፡ በአገራችን ብዙ ክፍሎች ይገኛሉ፡፡ በአብዛኛው ቦታዎች እንደ ጻድቃን ይቆጠራሉ፡፡ ምክንያቱም  ዛፍ ላይ ቅጠላቸውን እየበሉ ነው የሚኖሩት፡፡ እናም፣ ቤተ ክርስቲያን አካባቢ፣ የተከዙ መስለው ብዙ ሳይንቀሳቀሱ ስለሚታዩና፣ የባሕታዊን የመሰለ እይታ ስላላቸው ሊሆን ይችላል፡፡ ሆኖም ኢሉባቡር ውስጥ ሰብል ከሚያጠፉ የጦጣ ዘሮች ውስጥ ጉሬዛዎችም የሚጠቃለሉ ሆነዋል፤ እዚያ ጻድቃን የሚላቸው የለም፡፡

ምንጭ፡- ሪፖርተር ጋዜጣ