የድድ ችግር በማንኛዉም ሰዉ ላይ ሊከሰት የሚችል ነዉ::

የድድ እንፌክሽን Gingivitis

 

Image result for Gingivitis

 

ጄንጅቫይትስ (የድድ እንፌክሽን) ብዙ ጊዜ የሚከሰት የድድ/የጥርስ ዙሪያ ላይ ህመም ሲሆን መቆጥቆጥ፣ ቅላትና እብጠት በድድዎ ላይ እንዲከሰት ያደርጋል:: ብዙዉን ጊዜ ህመሙ መጠነኛ የሆነ ምልክት ስለሆነ ያለዉ ታማሚዉ ሳያስተዉለዉ ሊያልፍ ይችላል::

የህመሙ ምልክቶች፡ ጤናማ ድድ ጠንካራና ቀላ ያለ ሮዝ ቀለም ያለዉ ሲሆን የድድ ላይ ህመም ሲከሰት የሚከተሉትን ምልክቶችን ሊያሳይ ይችላል:: እነርሱም

• የድድ እብጠት 

• ልልና የተነፋ ድድ

• አንዳንዴ ሲነካ ህመም መኖር

• ጥርስዎን በሚፍቁበት/በሚቦርሹበት ወቅት በቀላሉ መድማት

• የድድዎ መልክ መቀየር(ከጤናማ ቀይ ወደ ደበዘዘ ቀይ)

• መጥፎ የአፍ ጠረን መከሰት ናቸዉ

 

የህመሙ ምክንያቶች

ጄንጅቫይትስ በብዛት የሚከሰተዉ የአፍ ዉስጥ ንፅህናን በደንብ በማይጠብቁና በዚህ የተነሳ በድድና ጥርስ ላይ የሚጋገር ነገር/ plaque/ እንዲፈጠር እድል የሚፈጥሩት ሰዎች ላይ ነዉ:: ይህ የተጋገረዉ ነገር በዐይን የማይታዩ ባክቴሪያዎችን የያዘ ነዉ::

 

ተጋላጭነትዎን የሚጨምሩ ነገሮች

የድድ ችግር በማንኛዉም ሰዉ ላይ ሊከሰት የሚችል ነዉ:: ነገር ግን ተጋላጭነትዎን ከሚጨምሩ ነገሮች ዉስጥ

 

• የአፍ ጤንነታቸዉን/ ንፅህናቸዉን በደንብ በማይጠብቁ

• ሲጋራ በሚያጨሱ ሰዎች ላይ • የስኳር ህመም

• በእርጅና እድሜ ወቅት

• መድሃኒቶች

• የአፍ ድርቀት

• የሆርሞን ለዉጥ( በተለይ በሴቶች ላይ እርግዝና፣ በወር አበባና የእርግዝና መከላከያ እንክብል በሚወስዱበት ወቅት)

• ጥሩ አመጋገብ ከሌለዎ እና

• አደንዛዥ ዕፅ የሚጠቀሙ ከሆነ ነዉ::

 

ሊደረግ የሚችል ህክምና

ለህመሙ የሚደረግ ህክምና የህመም ምልክቶቹን ከመቀነስ ባሻገር ህመሙ ወደከፋ ደረጃ እንዳይሄድና የጥርስ መዉለቅን ሊከላከል ይችላል:: ዉጤታማ ህክምና ለማግኘት የባለሙያ ክትትልና ከህመሙ በኃላ የአፍ ዉስጥ ንፅህናን መጠበቅ ያስፈልጋል::

 

የቤት ዉስጥ ህክምናና የአኗኗር ዘይቤ ለዉጥ

• የጥርስ ህክምና ባለሙያዉ በሚያዘዉ መሰረት መደበኛ የሆነ የጥርስ እጥበት ማካሄድ

• ለስለስ ያለ የጥርስ ቡርሽ መጠቀምና ቢያንስ በየሦስትና አራት ወራት መቀየር

• በቀን ሁለቴ አሊያም ከእያንዳንዱ ምግብ መርሃግብር በኃላ አፍዎን ማፅዳት

• የጥርስ ህክምና ባለሙያዎ ካዘዘልዎ የጥርስ ማጠቢያ አንቲሴፕቲክ መጠቀም

• በጥርስ መካከል ለማፅዳት ተብለዉ የተዘጋጁ የጥርስ መጎርጎሩያ/ዴንታል ፒክ መጠቀም::

source-zehabesha

 

 



 

Related Topics