Notice: Undefined index: title in /home/hawassao/public_html/subpage_articles.php on line 174

Notice: Undefined index: title in /home/hawassao/public_html/subpage_articles.php on line 176

Notice: Undefined index: title in /home/hawassao/public_html/subpage_articles.php on line 216

Notice: Undefined index: title in /home/hawassao/public_html/subpage_articles.php on line 218

የእንሰት ተክል በሀድያ ብሔረሰብ

የእንሰት ተክል በሀድያ ብሔረሰብ
 
እንሰት በኢትዮጵያ በተለይም በደቡቡ የሃገሪቱ ክፍል ለቤት እንስሳት በተለይም ለከብቶች፣ በጎችና፣ ፍየሎች፣ ለጋማ ከብቶች ዋነኛ የምግብ ምንጭ ሆኖ ያገልግላል። ለዱር እንስሳትም እንደ ጃርት ያሉት እንስሳት በስፋት ለምግብነት የጠቀሙታል። ለሰዎችም የተለያዩ የምግብ ዓይነቶች ከእንሰት ተረፈ ምርቶች የተለያዩ አይነት የመገልገያ እቃዎች ይሰራሉ። ከነዚህም በተጨማሪ የእንሰት ውጤቶች ለሰውና እንስሳት የተለያዩ በሽታዎችንና ጉዳቶችን ለመፈወስ በሰፊው አገልግሎት ላይ ይውላሉ።    ወደ 60    የሚጠጉ    የእንሰት    ዝርያዎች    ሲኖሩ    እነዚህም    ወንዴና    ሴቴ    ተብለው   ይከፈላሉ   ።  
 
 
 
 
               የእንሰት ተክል
 
 
               እንሰት ለከብት ምግብነት ሲውል 
 
በደቡቡ የሃገሪቱ አካባቢ የእንሰት ተክል ለሰው ልጆች ምግብነት ሲውል በሃድያ አካባቢ በጥቅል ስሙ ዋሳ (Waasa) ተብሎ ይጠራል። ይህ ተክል ዋሳ ወይንም ቆጮ ሆኖ ለሰው ልጅ ምግብነት ለመዋል የተለያየ ደረጃ ያላውን የእድገት ደረጃ ለማለፍ ከ7- 8 አመት ይፈጅበታል። ተክሉም የሚባዛው በስሩ ሲሆን የማብዛት ስራ የሚጀመረው ስሩን በባህላዊ መንገድ ለብዜት በማዘጋጀት ለመኖሪያ ቤት ቅርብ በሆነው የጏሮ መሬት ወይንም ሀርፎኦ (Harafo'o) ውስጥ በመቅበር ነው። ይህ መሬት ውስጥ ለብዜት የሚቀበር ስር ዱቦኦ (Dubbo'o) ተብሎ ይጠራል። በመኖሪያ ቤት ቅርብ ባለ ጏሮ የመቀበሩም ምክንያት ዱቦኦ የተለያዩ ባህላዊ ማዳበሪያ ለምሳሌ አመድ፣ እበትና፣ የቤት ጥራጊ የማግኘት እድል ስለሚኖረው ነው።
 
 
  
               የቡላ (ከእንሰት የሚዘጋጅ ዲቄት) ገንፎ
 
 
 
               ከእንሰት የተዘጋጀ ድፎ ዳቦ
 
 
 
               ቆጮ የክትፎ ማባያ ሆኖ ሲቀርብ
 
አንዱ ዱቦኦ በርካታ የእንሰት ተክሎችን ማፍራት ይችላል። ከነዚህ ከአንድ ዱቦኦ የሚበቅሉ በርካታ የእንሰት ተክሎች በጋራ ፊሾኦ ተብለው ይጠራሉ። ፊሾኦን ከዱቦኦ በማላቀቅ ሰፋ ባለ መሬት ላይ ለተጨማሪ እድገታቸው በሚያመች ሁኔታ በአንድጉድጏድ ውስጥ አራት በአንድ ላይ ይተከላሉ። እነዚህ አራት በአንድ ሆነው የሚተከሉት በእንሰት የሁለተኛው የእድገት ደረጃ የደረሱት ስማ (Sima) ተብለው ይጠራሉ። ከአንድ አመት ቆይታ በሇላ አራት በአንድ ያደጉት ስማዎች ወደ ሌላ ሰፊት ቦታ ተዛውረው እያንዳንዳቸው እራሳቻውን ችለው እንዲተከሉ ይደረጋል። በዚህ ደረጃ የሚገኝ እንሰት ኦሮኦ (Eero'o) ተብሎ ይጠራል። ኦሮኦ ለአንድ አመት በከፍተኛ እንክብካቤ በትተከለበት ሰፊ ቦታ ካደገ በሇላ ከዋናው የእንሰት እርሻ ለሰዎችና ለእንስሳት ምግብነት የተቀነሱት እንሰቶችን ለመተካት በተነሱት ቦታ ከሌሎች ትላልቅና ለምግብነት እየተዘጋጁ ካሉት የእንሰት ተክሎች ጋር ተቀላቅሎ ይተከላል። ይህ አንድ የእንሰት ተክል ለምግብነት የሚዘጋጅበትና ከእድሜው በአንድ ቦታ ረጅሙን ጊዜ የሚያሳልፍበት ነው።
 
 
               የእንሰት ዝግጅት
 
እንሰት ለምግብነት ከደረሰ በሇላ ተዘጋጅቶ ለምግብነት እስከሚቀርብበት ድረስ የተለያዩ መሳሪያዎች በተለያዩ ደረጃዎች ያስፈልጋሉ። ከእነዚህም ዋና ዋናዎቹ የመከተሉት ናቸው።
    • ቁንጩሉኤ (Qunculle'e) - የእንሰት ኮባ ለመፋቅ ለማዘጋጀትና አግድም ለመቁረጥ የሚጠቅም መሳሪያ።
    • ሜታ - ከሰፊ የእንጨት ጣውላ የሚሰራና የሚፋቅ ኮባ ማስደገፊያ መሳሪያ።
    • ስሳ (Sissa) - ከቀርክሃ የሚዘጋጅ የኮባ መፋቂያ መሳሪያ።
ቄዎኦ(Qewwo'o) - ከእንጨት የሚሰራና ከጫፉ ወፈር ያለ ጥርስ ያለው የእንሰት ስር የውሥጠኛው ክፍል ብቻ ለመቆፈር ወይም ለመጨፍጨፍ የሚያገለግል መሳሪያ። 
    • አንጫ (Aanca) - የእንሰት ተረፈ ምርት ወይም ቃንቻ ሲሆን ቆጮን ከውሃ ለመለየትና ለማድረቅ ያገለግላል።
    • ምጭናንቾ (Moocinaacho) - ከቆጮ ተጨምቆ የሚወጣውን ውሃ ወይም ጋና ማጠራቀሚያ እቃ።
    • ጎንጋ (Gonga) - የደረቀ ቆጮ መቁረጫ ሰፊና ትልቅ (ከአንድ ሜትር የማይበልጥ) የኮርች እንጨት ጉማጅ
    • መሸአ (Mashsha'a) - የቆጮ መቁረጫ ሰፊና ትልቅ ቢለዋ።
 
 
 
ምንጭ
    • የሃድያ ህዝብ ታሪክና ባህል (አለባቸው ኬዕሚሶ እና ሳሙኤል ሀንዳሞ)