ወደ ስራ በመኪና የማደርገው ጉዞ አይፈጥንም ያለው ግለሰብ የግሉን አውሮፕ

 ወደ ስራ በመኪና የማደርገው ጉዞ አይፈጥንም ያለው ግለሰብ የግሉን አውሮፕላን ሰርቷል

 

ወደ ስራ በመኪና የማደርገው ጉዞ አይፈጥንም ያለው ግለሰብ የግሉን አውሮፕላን ሰርቷል

የ45 ዓመቱ የቼክ ሪፐብሊክ ዜጋ ፍራንቲሴክ ሀድራቫ ወደ ስራ በመኪና የማደርገው ጉዞ አይፈጥንም በማለት የግሉን አውሮፕላን ሰርቷል።

ግለሰቡ “ከቤቴ ወደ ስራ በተሽከርካሪ የማደርገው ጉዞ እስከ 14 ደቂቃዎችን ይወስድብኛል፤ ይህም በጣም ብዙ ነው” ያለ ሲሆን፥ አዲስ የሰራው አውሮፕላን ግን ጊዜውን በግማሽ ይቀንሳል ብሏል።

ሀድራቫ አውሮፕላኑን ከእንጨት የሰራ ሲሆን፥ ስራውን ሙሉ በሙሉ ለማጠናቀቅም ሁለት ዓመት ፈጅቶባታል ነው የተባለው።

አውሮፕላኑ በሰዓት 146 ኪሎ ሜትር መብረር እንደሚችል ተነግሯል።

አውሮፕላኑን ሙሉ በሙሉ ገንብቶ ለመጨረስም 4 ሺህ 200 የአሜሪካ ዶላር ወጪ እንዳደረገበት ፍራንቲሴክ ሀድራቫ አስታውቋል።

በአሁኑ ጊዜም ግለሰቡ አውሮፕላኑን ተጠቅሞ ወደ ስራ መጓዝ ጀምሯል ነው የተባለው።

ሀድራቫ ከሚኖርበት አካባቢ ወደ ስራ ለመሄድ በፊት ከ12 እስከ 14 ደቂቃ እንደሚፈጅመበት የተናገረ ሲሆን፥ አሁን ላይ ግን ከ7 ደቂቃ ባነሰ ጊዜ ውስጥ እንደሚደርስ ተናግሯል።

ግለሰቡ ሁሌም አውሮፕላኑን ጠዋት 12 ሰዓት ላይ በማስነሳት ወደ ስራው ቦታ የሚበር ሲሆን፥ የሚሰራበት ፋብሪካ ፊትለፊት የሚገኝ ሜዳ ላይ ነው የሚያሳርፈው።

ከአውሮፕላኑ ከወረደ በኋላም በመግፋት ወደ ሚሰራበት ፋብሪካ በመውሰድ ቦታ እንደሚያስይዘው ተናግሯል።

ምንጭ፦ www.huffingtonpost.co.uk

 

 

 

 



 

Related Topics