Tenders

 

Type: Agricultural Products

 

Organization: የኢትዮጵያ ንግድ ባንክ

Dead Line: 2016-06-30

 

Tender Detail:

 





የኢትዮጵያ ንግድ ባንክ ለቀድሞው ብራሌ እርሻ ልማት ኃላፊነቱ የተወሰነ የግል ማህበር ሰጥቶት ለነበረው ብድር በዕዳ ማካካሻነት የተረከበውንና ሲያስተዳድረው የቆየውን የእርሻ ልማት ድርጅት የተለያዩ ቋሚና ተንቀሳቃሽ ንብረቶች በጨረታ መነሻ ዋጋ ብር 10,000,000.00 /አስር ሚሊዮን/ በዝግ ጨረታ ጨረታ አወዳድሮ ለአንድ ዓመት በሚቆይ እና እንደአስፈላጊነቱ ሊታደስ በሚችል የኪራይ ውል ማከራየት ይፈልጋል፡፡

1. የእርሻ ልማቱ አድራሻ

በደቡብ ብሔር ብሔረሰቦችና ህዝቦች ክልላዊ መንግስት በደቡብ ኦሞ ዞን ሐመር በና ፀማ ወረዳ እንጨቶና ዱማ ቀበሌ ገበሬ ማህበር የሚገኝ ሲሆን ይህ ከአዲስ አበባ 665 ኪ.ሜ ከአርባ ምንጭ 170 ኪ.ሜ እና ከጂንካ 90 ኪ.ሜትር ርቀት ላይ ከዋናው አስፋልት አጠገብ ይገኛል፡፡

2. የእርሻ ልማቱ የሊዝ ዘመን

ከደቡብ ኢትዮጵያ ብሔር ብሔረሰቦችና ህዝቦች ክልላዊ መንግስት ጋር ለ50 ዓመት የሚቆይ የሊዝ ውል ያለው ሲሆን ይኽውም ከ1987 እስከ 2037 ዓ.ም የሚቆይ ሲሆን የኪራዩም መጠን በዓመት ለሄክታር ብር 30 ነው፡፡

3. የእርሻ ልማቱ አጠቃላይ ሁኔታ

  • የመሬቱ አቀማመጥ ሜዳማ ስለሆነ ለእርሻ ሜካናይዜሽን ምቹ ከመሆኑም በላይ የቆዳ ስፋቱ 5,490 ሄክታር /አምስት ሺ አራት መቶ ዘጠና) ሆኖ በኩታ ገጠም የሚገኘውም ተጨማሪ መሬት በተመሳሳይ ሁኔታ ለልማት ምቹ በመሆኑ የልማቱን ስራ በስፋት ለማከናወን ከፍተኛ ዕድል ይሰጣል፡፡
  • ወደ የትኛውም የእርሻው ክፍል በማንኛውም አይነት ተሽከርካሪ ለመጓጓዝ የሚያስችል ከአንድ መቶ ኪሎ ሜትር በላይ የውስጥ ለውስጥ መንገድ አለው፡፡
  • የእርሻ ልማቱ ከባህር ወለል በላይ ከ520-560 ሜትር ከፍታ ላይ የሚገኝ ሲሆን ዝቅተኛው የሙቀት መጠን 160 c ሲሆን ከፍተኛው 390 c የሚደርስ ሞቃታማ ነው፡፡ 
  • የእርሻ ልማቱ ዓመታዊ አማካይ የዝናብ መጠን 557 ሚ.ሜ ሲሆን አማካይ የአየር እርጥበቱ /Relative Humidity/ ከ60%  እስከ 80%  ይደርሳል፡፡
  • የእርሻ ሥራ ለማከናወን የሚያስፈልገውን የሰው ኃይል በተፈለገው ዓይነት እና መጠን ያለምንም ውጣ ውረድ በቅርበትና በቀላሉ ማግኘት የሚቻልበት ነው፡፡
  • የእርሻ መሬቱ የእርሻ ሥራ ለማከናወን የሚያስችል ዘመናዊ የኮንስትራክሽን መሳሪያዎችና የመስኖ መሰረተ ልማቶች ያሟላና በወይጦ ወንዝ ላይ የተጠለፈው ትልቅ ካናል ከራሱ አልፎ የአካባቢውን አርብቶ አደርና አርሶ አደር ህዝብ የሚያገለግል የውሃ ፍሰት ያለው ሲሆን ለቆላ ሰብሎች ምርት እጅግ ተስማሚ የሆነ የተፈጥሮ ምቹነት አለው፡፡

4. እርሻ ልማቱ የሚያለማቸው ዋና ዋና ሰብሎች

  • ጥጥ፣ ሰሊጥ፣ አኩሪአተር፣ ቦሌቄ፣ የቤት መጥረጊያ /broom com/ ሸንኮራ አገዳ እና የተለያዩ የቆላ ሰብሎች እንዲሁም አትክልትና ፍራፍሬዎች ናቸው፡፡

5. አሁን የሚገኝበት የልማት ደረጃ

  • ለተለያዩ አገልግሎቶች ከዋለው መሬት ውጪ አብዛኛው ሄክታር የመስኖ መሰረተ ልማት ተዘግቶለታል፡፡
  • ዓመታዊ የጥጥ ምርት መጠን በአማካይ ከ100,000.00 ኩንታል በላይ ደርሷል፡፡
  • የራሱ የሆነ የአውሮፕላን ማረፊያ እና መንደርደሪያ አለው፡፡
  • የኤሌክትሪክም ሆነ የመጠጥ ውሃ አቅርቦት ያለው ነው፡፡

6. በእርሻ ልማቱ ለኪራይ የቀረቡ ንብረቶች

  • 5,490 ሄክታር የእርሻ መሬት ሲሆን ከዚህ ውስጥ ከ4,000 ሄክታር በላይ የሚሆነው የለማ እርሻ መሬት ነው፡፡
  • በእርሻ ልማቱ ላይ የሠፈሩ ልዩ ልዩ ህንፃዎች ማለትም ቢሮዎች፣ የእንግዳ ማረፊያ ቤቶች /Guset Houses/ በተለያዩ እርከን ደረጃ የሚገኙ           ሰራተኞች መኖሪያ ካምፖች፣ ክሊኒክ፣ ጋራዥ፣ መጋዘኖች እና ሌሎችም በርካታ ግንባታዎች፣
  • በእርሻ ልማቱ ላይ የሚገኙ የተለያዩ የኮንስራክሽን መሳሪያዎች፣ ዶዘር 3/ሦስት/፣ ኤክስካቬተር 1/አንድ/፣ ሎደር 1/አንድ/፣ ግሬደር 1/አንድ/፣          ኮምፖከተር 1 /አንድ/ በሙሉ CAT Brand ናቸው፡፡ 3 እስካኒያ ገልባጭ መኪናዎች፣ 2 የውሃና የነዳጅ ቦቴዎች /682N3/፣ የወርክሾፕ          መሳሪያዎች፣ ግዙፍ ጀነሬተሮች፣ የተለያዩ ቦታዎች ላይ የተተከሉ የነዳጅ ማደያዎች እና ሌሎች በእርሻ ልማቱ ላይ የሚገኙ የተለያዩ ንብረቶችን            ያካትታል፡፡

ማሳሰቢያ፡-

  1. የእርሻውን አጠቃላይ ሁኔታ በግንባር ማየት ለሚፈልጉ ተጫራቾች ባንኩ የጉብኝት ፕሮግራም እንደአስፈላጊነቱ ሊያዘጋጅ ይችላል፡፡

  2. የእርሻውን አጠቃላይ ሁኔታ የሚያሳይ የፎቶ አልበም ሳሪስ በሚገኘው የኢትዮጵያ ንግድ ባንክ ንፋስ ስልክ ቅርንጫፍ በሚገኝበት ህንፃ 3ኛ ፎቅ የቢሮ ቁጥር 314 ባንኩ በዕዳ ማካካሻነት የተረከባቸው ንብረቶች አስተዳደር ክፍል በግንባር ቀርቦ መመልከት ይቻላል፡፡

  3. ማንኛውም ተጫራች ሌሎች ተጫራቾች በሰጡት ዋጋ ላይ ተንተርሶ ዋጋ መስጠት አይችልም፡፡

  4. ተጫራቾች የጨረታ መነሻ ዋጋውን 25% /ሃያ አምስት በመቶ ማለትም ብር 2,500,000.00/ ሁለት ሚሊዮን አምስት መቶ ሺህ ብር ብቻ/ የጨረታ ማስከበሪያ ዋስትና በባንክ ክፍያ ማዘዣ /CPO/ በኢትዮጵያ ንግድ ባንክ ስም በማሰራት ማቅረብ ይኖርባቸዋል፡፡

  5. የጨረታውን ሰነድ ሳሪስ ከሚገኘው የኢትዮጵያ ንግድ ባንክ ንፋስ ስልክ ቅርንጫፍ የማይመለስ ብር 100.00 /አንድ መቶ ብር/ በመክፈል ከግንቦት 29 ቀን 2008 ዓ.ም ጀምሮ ዘወትር በስራ ቀናት መግዛት ይቻላል፡፡

  6. የጨረታው ሰነድ መመለሻ ሰኔ 22 ቀን 2008 ዓ.ም ከጠዋቱ 2፡30 እስከ ቀኑ 10፡00 ሰዓት ድረስ በኢትዮጵያ ንግድ ባንክ ንፋስ ስልክ ቅርንጫፍ በሚገኝበት ህንፃ 3ኛ ፎቅ የቢሮ ቁጥር 314 ባንኩ በዕዳ ማካካሻነት የተረከባቸው ንብረቶች አስተዳደር ሲሆን፣ ጨረታው ሰኔ 23 ቀን 2008 ዓ.ም ከጠዋቱ 3፡00 ሰዓት ላይ ለዚሁ ቢሮ ተጫራቾች ወይም ሕጋዊ ወኪሎቻቸው በተገኙበት ይከፈታል፡፡

  7. የጨረታ አሸናፊ ባቀረበው ዋጋ ላይ ተጨማሪ እሴት ታክስ (VAT) ታሳቢ ሆኖ ይከፍላል፡፡

  8. ለተጨማሪ መረጃ በስልክ ቁጥር፡- 0114 40 01 55/ 0114 43 08 67 /0114 43 05 92 ወይም 09 11 48 2914 በመደወል ወይም ሳሪስ የኢትዮጵያ ንግድ ባንክ ንፋስ ስልክ ቅርንጫፍ በሚገኝበት ህንፃ 3ኛ ፎቅ የቢሮ ቁጥር 306 እና 314 ባንኩ በዕዳ ማካካሻነት የተረከባቸው ንብረቶች አስተዳደር ክፍል በግንባር ቀርቆቦ መጠየቅ ይቻላል፡፡

  9. ባንኩ የተሻለ መንገድ ካገኘ በማንኛውም ጊዜ ጨረታውን በከፊልም ሆነ በሙሉ የመሰረዝ መብቱ የተጠበቀ ነው፡፡

የኢትዮጵያ ንግድ ባንክ ሁሌም የሚተማመኑበት ባንክ