Tenders

 

Type: Autos

 

Organization: የአዲስ አበባ ከተማ አስተዳደር የመንግስት ግዥና ንብረት ማስወገድ ኤጀንሲ

Dead Line: 2016-07-10

 

Tender Detail:

 




የአዲስ አበባ ከተማ አስተዳደር የመንግስት ግዥና ንብረት ማስወገድ ኤጀንሲ በአዲስ አበባ ከተማ አስተዳደር መንገዶች ባለስልጣን፣ በአዲስ አበባ ከተማ አስተዳደር የእሳትና ድንገተኛ አደጋዎች መከላከልና መቆጣጠር ባለስልጣን፣ በአዲስ አበባ ከተማ አስተዳደር የምርታማነት ማሻሻያ እና በአዲስ አበባ ከተማ የኮተቤ ዩኒቨርሲቲ ኮሌጅ ያገለገሉ ተሽከርካሪዎችን ባሉበት ሁኔታ አወዳድሮ በግልፅ ጨረታ ለመሸጥ ይፈልጋል፡፡

  1. ሜክሲኮ ሰንጋ ተራ ዮቤክ የንግድ ማዕከል በሚገኘው በአዲስ አበባ ከተማ አስተዳደር የመንግስት ግዥና ንብረት ማስወገድ ኤጀንሲ ህንፃ ቢሮ ቁጥር 701 በመምጣት የተሽከርካሪዎቹን ዝርዝርና ብዛት የያዘ የጨረታ ሰነድ የማይመለስ ብር 200 ከፍለው ማስታወቂያው በአዲስ ዘመን ጋዜጣ ከወጣበት ቀን ጀምሮ ባሉት 15 ተከታታይ ቀናት መግዛት ይችላሉ፡፡
  2. በዋጋ ማቅረቢያ ቅጽ ላይ ተጫራቹ የሰጠው ዋጋ በሚለው አምድ ስር ዋጋ በአሃዝ እንዲሁም በፊደል ያለ ስርዝ ድልዝ ገልጸው በታሸገ ኤንቨሎፕ ለዚሁ ስራ በአዲስ አበባ ከተማ አስተዳደር የመንግስት ግዥና ንብረት ማስወገድ ኤጀንሲ ቢሮ ቁጥር 701 በተዘጋጀው የጨረታ ሳጥን ውስጥ ማስታወቂያው ከወጣበት ቀን ጀምሮ ባሉት 15 ተከታታይ ቀናት ውስጥ ማስገባት አለባቸው፡፡
  3. በአሃዝና በፊደል በሰጡት ዋጋ መካከል ልዩነት ካለ ኤጀንሲው በፊደል የተጻፈውን ዋጋ በመውሰድ ጨረታውን ያወዳድራል፡፡
  4. ትክክለኛ አድራሻቸውንና ስማቸውን በመግለጽ በመጫረቻ ሰነዳቸው ላይ መፈረም አለባቸው፡፡
  5. ተጫራቾች ለሚገዙት ተሽከርካሪ የጨረታ መነሻ ዋጋ 20% በመቶ የጨረታ ማስከበሪያ በባንክ በተረጋገጠ ኤጀንሲ አሰርተው ከመጫረቻ ሰነዱ ጋር በማያያዝ ሳጥኑ ውስጥ ጨረታው ከመከፈቱ በፊት ማስገባት ይኖርባቸዋል፡፡ የሚዘጋጀው የጨረታ ማስከበሪያ ሲ.ፒ.ኦ ከአዲስ አበባ ከተማ ውጭ ከሆነ ከኢትዮጵያ ንግድ ባንክ ቅርንጫፎች ብቻ መሆን ይኖርበታል፡፡
  6. የጨረታ ሳጥን ጨረታው በጋዜጣ ከወጣበት ቀን ጀምሮ በ16ኛው ቀን ከጠዋቱ በ4፡00 ሰዓት ተዘግቶ በዚያኑ ቀን በ4፡15 ተጫራቾች ወይም ሕጋዊ ወኪሎቻቸው በተገኙበት ኤጀንሲ መሰብሰቢያ አዳራሽ ይከፈታል፡፡ ሆኖም ተጫራቾች በራሳቸው ምርጫ ጨረታው በሚከፈትበት ጊዜ ሳይገኙ በመቅረታቸው የጨረታውን አከፋፈት አያስተጓጉልም፡፡
  7. በጨረታው አሸናፊ የሆኑ ተጫራቾች አሸናፊነታቸው ከተገለጸላቸው በ5 የስራ ቀናት ውስጥ መክፈል ይኖርባቸዋል፡፡ ሆኖም ሙሉ ክፍያውን በተጠቀሰው ጊዜ ገደብ መክፈል ካልቻሉ ያስያዙት የጨረታ ማስከበሪያ ለኤጀንሲው ገቢ ይደረጋል፡፡
  8. አሸናፊ ተጫራቾች ያሸነፉበትን ገንዘብ አጠቃለው በመክፈል ተሽከርካሪውን ክፍያውን ከፈጸሙ በኃላ ባሉት 10 ተከታታይ ቀናት ውስጥ ተሽከርካሪዎቹን የማንሳት ግዴታ አለባቸው፡፡
  9. አንድ ተጫራች  ለአንድ ተሽከርካሪ የተለያየ ዋጋ በመስጠት መወዳደር አይችልም፡፡
  10. አንድ ተጫራች ከአንድ ተሽከርካሪ በላይ መግዛት ይችላል፡፡
  11. የጨረታ ሰነድ ከተከፈተ በኃላ ኮድ ወይም መለያ ቁጥር ስጽፍ ተሳስቻለሁ ወይም ሳልጽፍ ቀርቻለሁ የሚል ጥያቄዎች ተቀባይነት የላቸውም፡፡
  12. ማንኛውም ተጫራች በጨረታ ተካፋይ ሆኖ ጨረታው ከተከፈተ በኃላ ከጨረታ መውጣት ወይም የሰጠውን ዋጋ ማሻሻል ወይም መለወጥ አይችልም፡፡
  13. የጨረታ ሳጥን ከታሸገ በኃላ የሚመጡ ማናቸውም ሰነዶች ተቀባይነት የላቸውም፡፡
  14. ተጨማሪ ማብራሪያ ካስፈለገ በስልክ ቁጥር 011 557 32 41 ደውለው መጠየቅ ይችላሉ፡፡
  15. ኤጀንሲው የተሻለ መንገድ ካገኘ ጨረታውን በከፊልም ሆነ በሙሉ የሰረዝ መብቱ የተጠበቀ ነው

የአዲስ አበባ ከተማ አስተዳደር የመንግስት ግዥና ንብረት ማስወገድ ኤጀንሲ