Tenders

 

Type: Services

 

Organization: ሕብረት ባንክ አ.ማ

Dead Line: 2017-03-20

 

Tender Detail:

 

 

 

 

ሕብረት ባንክ አ.ማ የኢትዮጵያ ብሔራዊ ባንክ የውጪ ዜግነት ባላቸው ኢትዮጵያውን ስም የተመዘገቡ የባንኮችና የኢንሹራንስ ኩባንያዎች አክሲዮኖች የሚሰረዙበት ሁኔታን በተመለከተ ባወጣው ጋይድላይን ቁጥር FIS/01/2016 አንቀፅ 5.8 መሠረት በጠቅላላው 216,983 አክሲዮኖችን ከዚህ በታች በተዘረዘረው አኳኋን በግልጽ ጨረታ አወዳድሮ ለመሸጥ ይፈልጋል::

1. የአንዱ አክሲዮን የጨረታ መነሻ ዋጋ አንድ መቶ ብር (100.00) ሲሆን ተጫራቾች በመነሻው ዋጋ ላይ በተጨማሪ የሚከፍሉትን ፕሪሚየም ጨምረው የጨረታ ዋጋ መስጠት ይችላሉ::

2. ተጫራቾች መጫረት የሚፈልጉትን የአክሲዮን ብዛት መነሻ ዋጋ ¼ በባንክ የክፍያ ማዘዣ/ሲ.ፒ.ኦ/ በማስያዝ መጫረት ይችላሉ::

3. ተጫራቾች የሚጫረቱበትን የአክሲዮን ብዛትና ዋጋ ባንኩ ባዘጋጀው የጨረታ ማመልከቻ ቅጽ በመሙላት፤የኢትዮጵያዊ ዜግነት ማስረጃ ኮፒ በማያያዝ፤ ከጨረታ ማስከበሪያው/ሲ.ፒ.ኦ./ ጋር በኤንቬሎፕ በማሸግ እስከ መጋቢት 11 ቀን 2009 ዓ.ም ከቀኑ 8፡30 ድረስ በደብረዘይት መንገድ ሜክዎር ፕላዛ ሕንጻ አንደኛ ፎቅ በሚገኘው የባንኩ ፕሬዚዳንት ቢሮ ለዚሁ ጨረታ ተብሎ በተዘጋጀው የጨረታ ሳጥን ማስገባት ይጠበቅባቸዋል:: የጨረታው ማመልከቻ ቅጽ ከባንኩ ድህረ ገጽ( www.unitedbank.com.et) ወይንም ከባንኩ ፋይናንስና አካውንትስ መምሪያ የአክሲዮን ክፍል ወይንም ከባንኩ ቅርንጫፎች ማግኘት ይቻላል::

4. ጨረታው መጋቢት 11 ቀን 2009 ዓ.ም ከቀኑ 9፡00 በደብረዘይት መንገድ ሜክዎር ፕላዛ ሕንጻ አንደኛ ፎቅ በሚገኘው የባንኩ የዳይሬክተሮች ቦርድ መሰብሰቢያ አዳራሽ ይከፈታል::

5. ለጨረታ የቀረቡት አክሲዮኖች ተሸጠው እስከሚጠናቀቁ ድረስ ከፍተኛ ዋጋ ያቀረቡ ተጫራቾች እንደቅደም ተከተላቸው አሸናፊ ይሆናሉ:: ተጫራቾች የተጫረቱበትን ያህል አክሲዮኖች ባያገኙም መጨረሻ ላይ የሚተርፉትን አክሲዮኖች ባቀረቡት ዋጋ ለመግዛት ይገደዳሉ::

6. በጨረታው መሳተፍ የሚችሉት ኢትዮጵያዊ ዜግነት ያላቸውና ኢትዮጵያዊ ለመሆናቸው የሚያስረዳ የአገልግሎት ጊዜው ያላለፈበት መንጃ ፈቃድ፣ ፓስፖርት ወይም የቀበሌ መታወቂያ ፎቶ ኮፒ ከጨረታው ጋር በኤንቬሎፕ ታሽጎ ሲቀርብ ነው:: የሕግ ሰውነት ያላቸው ድርጅቶች በጨረታው መሳተፍ የሚችሉት በኢትዮጵያውያን ባለቤትነት ሙሉ ለሙሉ የተያዙ ከሆነ እና ለዚህም የድርጅቱን መመስረቻ ጽሁፍና መተዳደሪያ ደንብ ከጨረታው ጋር በኤንቬሎፕ ታሽጎ ሲቀርብ ነው:: የጨረታው አሸናፊዎች የሰነዶቹን ዋናውን ለክፍያ ሲቀርቡ ማቅረብ ይጠበቅባቸዋል::

7. አሸናፊ የሆነው ተጫራች ያሸነፈበትን ቀሪ ገንዘብ ጨረታው ከተከፈተበት ቀን ጀምሮ በ15 /አስራ አምስት/ ቀናት ውስጥ አጠቃሎ ካልከፈለ ለጨረታው ያስያዘው ገንዘብ ተመላሽ አይደረግለትም:: አክሲዮኖቹም በድጋሚ ግልጽ ጨረታ በማውጣት ይሸጣሉ::

8. ሕጋዊ ሰውነት ባላቸው ድርጅቶች ስም የሚጫረቱ ወይም በውክልና ለሚጫረቱ በጨረታው ለመሳተፍ ግልጽ ስልጣን የሚሰጥ የተመዘገበ የውክልና ስልጣን ማስረጃ ኮፒ ከጨረታው ጋር በኤንቬሎፕ ታሽጎ መቅረብ አለበት::

9. ባንኩ ጨረታውን በሙሉም ሆነ በከፊል የመሰረዝ መብቱ የተጠበቀ ነው::

10. በኢትዮጵያ ብሔራዊ ባንክ የወጡ አግባብነት ያላቸው መመሪያዎችና ሌሎች ሕጎች ተፈጻሚነት አላቸው::

11. ከጨረታ ሰነዱ ጋር ኢትዮጵያዊ ዜግነት የሚያሳይ ማስረጃ ኮፒ እና የጨረታ ማስከበሪያ ሲ.ፒ.ኦ. ተያይዞ ካልቀረበ የጨረታ ሰነዱ ተቀባይነት የለውም::

12. ለተጨማሪ መረጃ የባንኩን የፋይናንስና አካውንትስ መምሪያ አክሲዮን አስተዳደር ክፍል በስልክ ቁጥር 0114-169580 እንዲሁም የሕግ አገልግሎት መምሪያ በስልክ ቁጥር 0114-700315/47 መጠየቅ ይቻላል::

ሕብረት ባንክ አ.ማ