Notice: Undefined index: title in /home/hawassao/public_html/subpage_articles.php on line 174
Notice: Undefined index: title in /home/hawassao/public_html/subpage_articles.php on line 176
Notice: Undefined index: title in /home/hawassao/public_html/subpage_articles.php on line 216
Notice: Undefined index: title in /home/hawassao/public_html/subpage_articles.php on line 218
ታዋቂው የፊልም ተዋናይ ጃኪ ቻን የኦስካር የክብር ተሸላሚ ሆነ
ታዋቂው የፊልም ተዋናይ ጃኪ ቻን የኦስካር የክብር ተሸላሚ ሆነ
በማርሻል አርት ፊልሞቹ በርካቶች ዘንድ ታዋቂነትን ያተረፈው ቻይናዊው የፊልም ተዋናይ ጃኪ ቻን የኦስካር የክብር ተሸላሚ ሆኗል።
የፊልም ደራሲ፣ ዳይሬክተር፣ ተዋናይ እና ማርሻል አርቲስት ጃኪ ቻን ለዚህ ክብር ሊበቃ የቻለው በፊልም ኢንደስትሩው ለተቀዳጀው ከፍተኛ ስኬት ነው ተብሏል።
የ62 ዓመቱ ቻይናዊ ጃኪ ቻን ፊልም መስራት የጀመረው በሚኖርባት ሆንግ ኮንግ ከተማ ነው።
ጃኪ ቻን የ6 ዓመት ታዳጊ እያለ የመጀመሪያ ፊልሙን የተቀረፀ ሲሆን፥ በፊልም ኢንደስትሪው ውስጥ ለ56 ዓመታት እያገለገለ ይገኛል።
እስካሁንም ከ200 በላይ ፊልሞች ላይ እንደተወነ ጃኪ ቻን ይናገራል።
ጃኪ ቻን በተለይም “Rumble in the Bronx፣ Rush Hour እና Kung Fu Panda በሚለው የአኒሜሽን ፊልሞቹ ከዓለም ዙሪያ በርካታ አድናቆቶች ጎርፈውለታል።
የአሜሪካው የፊልም አካዳሚ ከጃኪ ቻን በተጨማሪ በፊልም ኢንደስትሪ ውስጥ ስኬታማ የሆኑ ሶስት ሰዎች ተሸላሚ እንዲሆኑ መርጧል።
እነዚህም የፊልም ኤዲተር አኔ ኮስተስ፣ የፊልም ዳይሬክተር ላይን ስታልማስተር እና የዶክመንተሪ ፎልሞችን በመስራት ዝናን ያተረፈው ፍሬደሪክ ዋይዝማን ናቸው።
የአካዳሚው ፕሬዚዳንት ቼርይል ቦን፥ አራቱም የፊልም ባለሙያዎች ለዚህ ክብር ሊበቁ የቻሉት በዘርፉ ላስመዘገቡት ስኬት እና ላበረከቱት ከፍተኛ አስተዋጽኦ ነው ብሏል።
ጃኪ ቻን የኦስካር የክብር ተሸላሚ መሆኑን ተከትሎ በፌስ ቡክ ገጹ ላይ ባሰፈረው ጽሁፍ፥ ለዚህ ክብር በመብቃቴ ኩራት እና ክብር ይሰማኛል ብሏል።
ለዚህ ክብር የበቃው ብቸኛው ቻይናዊ የፊልም ተዋናይ ነኝ ሲልም ራሱን አሞጋግሷል።
ጃኪ ቻን’ን ጨምሮ ለኦስካር የክብር ሽልማት የታጩት የፊልም ባለሙያዎቹ የፊታችን ህዳር ወር ላይ ሽልማታቸውን እንደሚቀበሉም ታውቋል።
ምንጭ፦ www.bbc.com/news/entertainment